لغات تاریخیه و جغرافیه

Lugat-ı Tarihiyye ve Coğrafiyye

خلافت

Hilafet

خلافت — علیه الصلاة والسلام افندمزك ارتحالندن صكره بین الامة تنفیذ احكام شرع شریفه همت بیوران چار یار كزین حضراتی خلیفۀ رسول الله و امیر المؤمنین عنوان جلیل الشانیله یاد اولنوب حضرات مشارالیهمدن صكره خلافت عنوانی ملوك امویه و عباسیه و دولت علیه+ده دخی دوام ایتمشدر. (ابا بكر الصدیق) رضی اه عنه حضرتلری (لایسع سیفان فی غمد) بیوردیغی وجهله تعد دخلفا افتراق امت و اختلاف ارای ملتی منتج اوله+جغندن امور مسلمینه نظارتك خلیفۀ واحده مفوضینی بین العلما مقرردر بو جهتله روی ارضده بولنان بالعموم مسلمانلرك خلافت مشروعۀ عثمانیه+یه مربوطیت طبیعیه+لری دركاردر.