خطمان — وقتیله قزاقلرك بیوكلرینه ویریلان بر عنواندر.
بو عنوان (١٥٧٥ م و ٩٨٣ ه) تاریخنده (آتین باطور) نام لهستان قرالی طرفندن (بغدان روزنسكی) ایچون احداث اولنمش و بر آت قویروغی بر علم بر قوماندا عصاسی و بر آیینه عنوان مذكوره نشان مخصوص اتخاذ ایدلمش ایدی روسیه ایمپراطوری (نیقولا) دخی وارث تختی اولان اوغلی غراندوق الكساندره بو عنوانی اعطا ایلمشدر لهستان قدیم قرالیتنده غایت عالی بر نفوذه مالك ایكی بیوك خطمان بولنه كلدیكی حالده (١٧٦٨ م و ١١٨٢ ه) تاریخنده قانون اساسیلرینك نشری عقیبنده بونلر دولت وكلاسی سلكنه داخل اولدیلر.