خطبه — صدر اسلامده اقامت صلاة جمعه و عیدده ملوك و خلفا بالذات امامت و خطابت ایدوب تصلیۀ رسول و ترضیۀ اصحابدن صكره كندیلره و سائر اهل اسلامه دعای خیر ایدرلر ایدی ابتدا روز جمعه و عیدده قرائت خطبه ایچون منبر اتخاذ ایدن عمر و بن العاص اولوب عهد خلافت فاروقده مصرده بنا ایتدیكی جامعده منبر بنیاد ایلمشدر علیه الصلاة والسلام افندمز ایله شیخین مكرمین رضی الله عنهما حضراتی كرسی كبی بر محل رفیع اوزرنده خطبه خوان وعظ و نصیحت اولور ایدی بناء علیه حضرت عمر عمر وبن العاصك مصرده منبر یاپدیردیغنه راضی اولمیوب هدمی ایچون امرنامه ارسال بیوردیلر بعده دولت اسلامیه+ده بعض شواغل و غوائل ظهورینه مبنی ملوك امامت و خطابته اخرینی توكیل ایتدیلر و انلر دخی رؤس منابرده خلیفۀ اسلامك اسمنی ذكر و اعلا و دعا و ثنالرین تكرار ایلدیلر زیرا جمعه+ده خطبیك منبره صعودیله ادای صلاة مابینی مظنۀ اجابت اولدیغندن سلاطین عظام حضراتنه او اثناده دعا عادات مرعیه+دندر. ابتدا خطبه+ده خلیفۀ اسلامه دعا ایدن (عبدالله بن عباس) رضی الله عنه حضرتلریدركه عهد خلافت علی المرتضاده بصره عاملی ایدی.
امام علی كرم الله وجهه حضرتلرینك (عبادالله الموت الموت لیس منه فوت ان اقمتم اخذكم وان فررتم منه ادر کكم الموت معقود بنواصیكم فالنجا النجا والوحا الوحا) الی آخره خطبه+سی. و عباسیه+دن مأمون خلیفه+نك )اتقوالله عبادالله وانتم فی مهل بادرو الاجل ولایغرنكم الامل فكان بالموت قدنزل) الی آخره خطبە+سی مشهوردر.