خط خلزونی — هندسه+ده اسطوانه سطح مستدیری اوزرنده چیزلمش بر خط منحنی+یه دیرلركه بو خط منحنی هر نقطه+سندن رسم اولنان خط مماسلرك او نقطه+دن مرور ایدن مولد اسطوانه ایله احداث ایلدكلری زاویه+لرك بربرینه مساوی اولمسی خاصه+سیله معروفدر. (مسئله لایقیله اكلاشلمق ایچون شویله ده تعریف ایده+لم) معلومدركه بر اسطوانه كشف اولنسه محیطاننك بری استوانه+نك قاعده+سی محیطنه دیكری مولدینه مساوی بر مستطیل حصوله كلور و اكر بو مستطیل قطری رسم اولندقدنصكره تكرار صاریلور ایسه قطری بر (خلزون) رسم ایدر اشته بو خلزونلرك برقاچندن حصوله كلان خط منحنی+یه (خط خلزونی) و خط خلزونینك بر مولد منتهی ایکی نقطه+سی بیننده+کی مولدك طولنه (خطوۀ خلزونی) تعبیر ایدرلر. علی العموم ویده دیشلری برر خط خلزونیدر.