ابوالنجیب سهروردی — كبار اولیاء اللهدندر واسمی عبد
القادر لقبی ضیاءالدیندر. بو ذاتك نسب شریفی اون ایكی واسطه ایله
)ابو بكر الصدیق) رضی الله عنه حضرتلرینه و طریقتده نسبتی (امام
غزالی) حضرتلرینه منتهی اولور و اكثر طرق علیه اصحابنك سلسلۀ
نسبتلری بوكا ایریشور پك بیوك و ظاهر و باطنی معمور بر ذات ایدی
و پك چوق فاضل و عابد یتشدیردی و متعدد كتابلر تألیف ایتدی.
بر كون قصاب دكاننك أوكندن كچركن آصیلی اولان قیونه تعجبله نظر
ایدوب بو قیون بن مذبوح دكلم مرده+یم دییور بیوردقده قصابك انكاره
مجالی قالمیوب مرده ایدوكنی تصدیق و شیخك دامننی بالتقبیل عفوینی
استرحام ایلدی. وفاتی (١١٦٧ م و ٥٦٣ ه) تاریخنده+در.