خضر علیه السلام — اسمی (بلیاء) یاخود ایلیاء بن ملكان ویاخود لمكان بن قالع بن شالخ بن ارفحشد بن سام. سبط هاروندندر نبوتنده دخی اختلاف اولندی بعضیلری پیغمبر اولمدیغنی و بعضیلری پیغمبر اولوب حضرت (شعیب) دنصكره بنی اسرائیله بعث اولندیغنی روایت ایدرلر یهوددن بعض اهل كتاب خضر ایله ملاقات ایدن )موسی) موسی بن میشا بن یوسف علیه السلامدركه موسی بن عمراندن اول نبی بعث اولنمشیدی دیدیلر ایسه ده صحیح اولان موسی بن عمران علیه السلامدر بعض تواریخك نقلنه کوره (خضر) ایام ابراهیم علیه السلامده اولان ذوالقرنین اكبرك دایی زاده+سی ایدی ذوالقرنین ایله اثنای سفرنده نهر حیاته واصل اولوب صویندن ایچمكله حیات ابدی+یه نائل اولدی. متصوفین حضراتی اشبو آب حیاتی علم لدنی معناسنه آلوب بسط قلبدن كنایه اولمق اوزره تفسیر ایدر.