خسرو ناصر — لقبی حكیم مسقط رأسی اصفهاندر. اوائل حالنده اصفهاندن (كیلان) و(رستمداره) هجرت ایدوب فقط بر طاقم ارباب اغراض حالنه قویمدقلرندن فراراً خراسان طریقنده قطب ربانی شیخ ابوالحسن خرقانیء همدانی دركاهنه انتساب و بر مدت فیوضات باطنه+یی دخی اكتسابدن صكره خراسانه عزیمت ایلدیسه ده بوراجه دخی مأمولی كبی قبول و راحت كوره+مدیكندن بدخشان كوهستاننه كیدرك (١٠٣٩ م و ٤٣١ ه یاخود ٤٨١ ه) تاریخیله اوراده دار بقیه رحلت ایلدی.
مومی الیه غایت ادیب و عاقل و حكیم و فاضل بر ذات اولوب رئیس حکما مشهور (ابو علی سینا) ایله همبزم صحبت اولمشدر اكرچه زماننده بعضیلری طبیعی و دهری و تناسخ مذهبنده اولدیغنه و بعضیلریده مؤمن و موحد
بولندیغنه حكم ایتمشلر ایسه ده حقیقتی بزجه معلوم دكلدر. (روشایی نامه) و (سعادتنامه) نام ایكی منظومه ایله (كنز الحقایق) ادلو كتاب منثور جملۀ تألیفات لطافت آیاتندندر بونلردن بشقه بیك بیتی جامع برده مدون دیوانی واردركه بتون حكمت و موعظه+دن عبارتدر.
)خراساندن فراری اثناده سویلدیكی شكایت آمز قصیدە+نك)
)تبركاً برقاچ بیتی درج اولندی)
بنالم بتوای قدیم و قدر * زاهل خراسان صغیر و كبیر
چه كردم كه ازمن رمیده شدند * همه خویش و بیكانه بر ناوپیر
مقرم بفرمان پیغمبرت * نه انباز كفتم ترانه نظیر
به امت رسانید پیغام تو * محمد رسولت بشیر و نذیر
كه قرأن به پیغمبرت آورید * مكر جبرئیل آن مبارك سفیر
مقرم بحشر و بمرك و حساب * كتابت زبردارم اندر ضمیر