لغات تاریخیه و جغرافیه

Lugat-ı Tarihiyye ve Coğrafiyye

خسرو پرویز

Hüsrev Perviz

خسرو پرویز — ملوك فرسك (ساسانیان) طبقه+سندندر (٥٨٩ م) تاریخنده جلوس ایدوب اوتوز طقوز سنه حكومت سوردیسه ده نهایتنده سرعسكری (بهرام چوبین) تغلبأ سلطنتنی غصب ایتمسی اوزرینه قاین پدری و شرق ایمپراطوری (موریس)ك نزدینه كیدوب ایکی سنه صكره مومی الیهك معاونتیله ینه تخته اوتوردی و (٦٢٨ م) تاریخنده اوغلی (شیرویه)نك تدبیری و دلكیر اولان وكلاسنك رأی خفیسی ایله مداین حبسخانه+سندن بوشانان اوتوز التی بیك كشی بغتةً سرایه هجوم و بتون بتون خلع و قتل ایدوب یرینه مرقوم (شیرویه)یی کچوردیلر. خسروك بو فلاكتی تلقین دین مبینی متضمن (خاتم النبیین) جانبندن مبعوث نامۀ سعادتی ییرتدیغندن بر قاچ كون صكره وقوعبولمش ایدی. مرقومك علاقه كردە+سی اولان (شیرین) نام قز ایچون خانقین) ایله (حلوان) اره+سنده یاپدیردیغی مشهور (قصر شیرین)ك شمدیلرده نام و نشانی بیله یوقدر. خسرو شیرینه بركون ملك و سلطنت بقاسی اولسه نه كوزل شیدر دیدكده شیرین (اویله اولیدی بز بو سلطنتی نه+ره+ده كوردك) دیو طاتلی بر جواب ویرمشدر. منقولدركه شیرویه پدری خسرو پرویزك خلعیله كندی جلوسندن صكرە قتلی ایچون پدرینک نزدینه بر مأمور كوندرر. خسرو دخی مأموره سن بنم مقدما اپیجه خدمتلرمده بولنمشیدك بنارین خائن اوغلمه قالمامق ایچون حیاتمدن عزیز طانیدیغم شو صندیغی سكا هدیه ایلدم دیر مأمور ایشی بیتوردكدن صكره كویا صداقتنی بر قات دها ارائه ایتمك اوزره صندیغی طوغریجه شیرویه+نك حضورینه كوتورە+رك ماجرایی نقل ایتمكله شیرویه صندیغی آچدقده ایچندن بر كوچك محفظه دروننده بش اون قدر حب ایله (هركیم بو حبلردن برینی استعمال ایدرسه شو قدر بكر ازاله+سنه مقتدر اولور) عباره+سی محرر بر پوصله چیقار شیرویه ایسه ذاتاً اسیر شهوت بر آدم اولدیغندن درعقب حبلری یوتمغله تأثیر سم سوزناك آز وقت ایچنده خبیثك بكر حیاتنی چاکچاك ایلر. حبی یوتدی مثلی بورادن مأخوذ اولملیدر. (شیرویه) كلمه+سنه نطر بیوریله .