خسرو پاشا — ابازیخ قبیله+سندندر. فرانسزلرك مصری تركی عقیبنده مصر والیسی تعیین اولنه+رق (١٨٠٣ م و ١٢١٨ ه) تاریخنده محمد علی پاشانك انتریقه+سیله مطروداً درسعادته كلمش و عصر سلطان محمود خان ثانیده یعنی (١٨٢٥ م و ١٢٤١ ه) تاریخنده یكیچریلرك قالدیرلدیغنی متعاقب تشكیل اولنان سرعسكرلكه بالتعیین طقوز سنه سرعسكرلكده و اون سنه قپودانلقده و زمان عبدالمجید خانیده دخی بر آی قدر صدارتده بولنوب بعده بروسه+یه نفی اولنمش و اوراده بولندیغی مدتده آخر وقتنده حفظه چالیشه+رق حافظ اولوب (١٨٥٤ م و ١٢٧١ ه) تاریخنده وفات ایتمشدر تربه+سی ایوبده+در مشار الیه بندكاننی آدم ایدوب میدانه چیقارمقله ممنون اولور بر ذات اولدیغندن تحت تربیه+سنده یتیشانلرك اكثریسی مناصب عالیه+یه نائل اولمشلردر داماد جناب شهریاری سرعسكر خلیل رفعت پاشا مشارالیهك ازادلولرندن ایدی. فقط مصر والیسی محمد علی پاشانك دولت علیه+دن توحشیله ظهوره كلان غائله+لره سبب خسرو پاشا ایدی دیرلر.