ابو موسی الاشعری — فقهاء اصحاب كرامدندر. بو ذات
زمان سعادتده عدن و زبید و سواحل یمن ولایاتنه عامل یعنی والی تعیین
بیورلدی و حضرت عمر زماننده كوفه و بصره والیلكیله كیدوب اهواز
و اصفهانی فتح ایتدی و صفین محاربه+سی عقیبنده شام طرفندن عمرو بن
العاص حكم تعیین اولندیغی كبی حضرت علی طرفندن دخی اشبو ابو
موسی حضرتلری تعیین بیورلدی. اسلامده هجرتدن اعتباراً تاریخ
وضعی بو ذاتك اخطار یله بالمذاكره قرارلشدیرلمشدر و وفاتی (٦٦٢ م
و ٤٢ یاخود ٥١ ه) تاریخنده وقوعبولمشدر. مشار الیه كیجه+لری
صباحه قدر اویومیوب احیا ایدر و (معاذ بن جبل) حضرتلری
دخی براز اویودقدنصكره قالقوب صباحه قدر عبادات و طاعاتده بولنور
ایدی افضلیت بونك قنغیسنده اولدیغنی یالمناسبه علیه الصلاة والسلام
افندمزه عرض ایتدكلرنده (معاذ) سندن افقهدر بیورمشلر و اویخونك وجود انسان ایچون بر غدای مخصوص ایدوكنی اكلاتمشلردر