خریطۀ جغرافی — كرۀ ارضك ویا بر قسمنك سطح مستدیرینی سطح مستوی اوزرنده كوسترر شكل ویا رسم مسطحلره تعبیر اولنور و كرۀ ارضك بر قسمنی ارائه+یه مخصوص خرایطه+لردن بر مملكتی تمامیله ارائه ایدن خریطه+یه (خریطۀ عمومیه) و بر ناحیه ایچون یاپیلان خریطه+یه (خریطۀ خصوصیه) دنیلور و اكر بر خریطه+ده یالكز بر ناحیه ویا ولایتك تفصیلاتی كوسترلدیكی كبی زمینك عارضه+لریده كوسترلمش ایسه (خریطۀ طپوغرافی) اطلاق ایدیلور حكمت طببعیه+یه مخصوص خریطه+لرده یالكز جبال و انهار و طبایع مختلفۀ زمین كوستریلور بوندن بشقه معدنیات نباتات حیوانات طبقات الارض خریطه+لری تاریخ خریطه+لری و خریطۀ عسكریه ناملریله یاد اولنور ایرو خریطه+لر ترتیب و استعمال اولنمقدە+در خریطۀ بحریه+لرده دخی یالكز دكز ایله سواحل و اطه+لر كوستریلور. نصف كره خریطه+لری (سته+نوغرافیا) دنیلان اصولده تسطیح اعمال و عادی خریطه+لر دخی (باتینه) اصولنه توفیقاً اعمال اولنمقده+در. خریطۀ خصوصیه+لرك اعمالنده انكشاف مخروطی طریقی و خریطۀ بحریه+لرده انكشاف اسطوانوی اصولی قوللانیلور. بو یقینلرده استعماللری شیوعبولمقده اولان قبارتمه خریطه+لر (١٧٢٤ م و ١١٣٧ ه) تاریخنده ایجاد اولنمشدر. خریطه+نك اختراعی روملردن (آنا كسیماندر) نام ذاته اسناد اولونور. سواحل خریطه+لرینك اختراعی پك قدیم ایدیسه ده بونلردن اله کچوبده حفظ اولنانی قالمامشدر.
)پتوله مه) خریطه+لری نامیله آلان نمونه+لری كوزمزك اوكنده بولنانلره كلنجه بونلر اون اوچنجی و اون دردنجی عصرلرده مومی الیهك مؤلفاتندن آلنان معلومات اوزرینه چیزلمش خریطه+لردر و روما ممالكنك حدود خریطه+لرندن (پوتنرثر) نامیله یاد اولنانلر اوچنجی عصر معمولاتندندر و بشنجی عصرده چیزلمش اولنلرك اك معروفی (قوزما اندیقوبلوست) نام راهبك خریطۀ عالم دیو یاد اولنان خریطه+سیدر. عرب جفرافیونندن (ادریس) نام ذاتك (خریطۀ ادریسی) نامیله یاد اولنان خریطه+سی اون ایكنجی عصرده یاپلمش اولنلرك اك مكملی ایدی و شرق قوزموغرافیوننك ترتیب ایتدكلری خریطه+لر مومی الیهك اثرینه بعض كشفیات جدیده علاوه+سندن بشقه بر شئ دكلدر اون اوچنجی و اون دردنجی عصرلرده (قاتالان) و (ماژوركن)لرك ترتیب ایتدكلری خریطه+لر دها مكمل ایدی (١٣٧٥ م و ٧٧٧ ه)ده (قاتالان)ك ترتیب ایلدیكی خریطه الآن فرانسه كتبخانۀ ایمپراطوریسنده محظوظدر.