خریطۀ سما — كرۀ سما اوزرنده واقع برجلرك بربرندن بعدلرینه كوره كاغد اوزرنده كوسترلمسندن عبارتدر خریطه ترسیمنده مستعمل و (اورتیغرافیك) دنیلان تسطیح اصولی بر نصف كره+نك سطح مستوی اوزرنده ارائه+سنه قابل تطبیق اولدیغنه بو اصول اوزره بر نصف کرده بولنان اجرام خط استوا دائره+سی سطحنه ارتسام اصولیله نقل اولنوركه كرۀ سما خریطە+سی اجرامك مرتسملریله حصوله كلان بو شكلك
تصغیر اولنمش صورتندن عبارتدر بو اصولده سمت دائره+لری خط استوا دائره+سنك نصف قطرلرینه منطبق اولوب دوائر متوازیه دخی خط استوا ایله متحد المركز دائره+لریله كوستریلور برلینده بو یقینلرده هر بر دقیقه مربعی سطحده اك مكمل آلات رصدیه ایله كوریله+بیلن نجومك هیئت مجموعه+سنی كوسترر خریطە+لر ترتیب اولنمقده+در بو خریطه+لر (فیطوغرافیا) اصولیله ترسیم بعده حك اولنورلر كواكبك محاق ظهورینی رصد و یكیدن سیاره و ذات الاذناب كواكب كشفنه بو خریطه+لرك پك چوق یاردمی اولمقدە+در.