خرده بین شمسی یاخود (میقروسقوب) — بو آلت آلدیغی خطوط شعاعیۀ شمسیه+یی بیوك بر عدس اوزرینه افقه موازی اوله+رق عكس ایتدیره+بیله+جك صورتده مائلاً موضوع بر آیینه ایله بردە جسیم عدسدن عبارتدر اشبو عدس دخی آیینه+دن آلدیغی خطوط شعاعیه+یی شفاف و اوكنده متقرب الشعاع عدسلر تركیبی بولنان بوری داخلنده موضوع بر ماده اوزرینه طوپلاركه مادۀ مذكوره+دن صدور ایدن شعاعات بربرینه تقرب و عدسلردن بعدالمرور جلاسز بر جام ویا لوحه اوزرینه مادۀ مذكوره+نك خیالنی غایت بیوك اوله+رق نقل ایدر. بو الت دائما قرانلق بر اوطه داخلنه آیینه خارجده قالاجق و خرده بیندن مرورایدن خطوط شعاعیە+دن بشقه هیج بر خط شعاع مذكور آیینه+دن مرور ایتمیه+جك طرزده ترتیب اولنور. خرده ین شمسینك كوستردیکی آثار سائر مرایا آلتلرینك كوستردیكی اثارك اك غریبی و اك شایان تماشاسیدر بو الت (١٧٤٣ م و ١١٥٦ ه) تاریخنده مشهور (لیبر كوهن) معرفتیله اختراع اولندی