خراسان — آسیاده غربی شرقی ناملریله ایكی+یه منقسم بر قطعۀ جسیمه+در. خراسان غربی (بلخ) (بخارا) (عراق عجم) ممالكیله تحدید اولنور طولاً ٨٨٠ عرضاً ٤٥٠ كیلومترو راضی+یی و عجم و افغان و تاتار و اوزبك و تركمان اقوام مختلفه+سندن اكثریسی سنی و حنفی المذهب اولمق اوزره ایكی ملیون مقداری اهالی+یی جامعدر بلاد مشهوره+سی (نیشابور) و (قابوشان) و مركز اداره+سی یكرمی بیك نفوسی مشتمل اولان (مشهد) شهریدر. (هندكوه) طاغندن متشعب و جنوب شرقیدن شمال شرقی+یه ممتد بعض طاغلری و نهایتسز چول و كوللری و غرب جهتنده منبت صحرا و مرعالری و بیوك محللرنده فیروزه و یاقوت معدنلری واردر و اقمشۀ حریریه و قطنیه+سی و قالیچه و اسلحه و قلیجلری مشهوردر وقتیله عجمستانك اك معمور و ابادان ایالتلرندن بری اولدیغی حالده تاتارلرك غارات متوالیه+سی بورالری دخی چول و بیابانه تحویل ایلدی.
خراسان شرقی دخی (افغان) امارتی ضبطنده+دركه بوكا (هرات) خانلغی یاخود ایالتی دخی دینلمكدە+در. قطعۀ مذكوره+یه بر زمان (سینۀ روی زمین) دینور ایدی.
بغدادده (خراسان) نامیله بر قصبه دها واردر بو دخی مقدما سنجاق مركزی ایدی.