خدیجة الكبری — حرم ؟یرن جناب سیدالمرسلین+دركه اشراف قریشدن (خویلد) بن اسد بن عبدالعزی بن قصی) نك كریمه+سیدر. والده+لری عامر بن لؤی اولادندن (فاطمه) بنت زائدةالاصمدر آوان جاهلیه+ده نسوان قریش ایچنده (طاهر) دیو یاد اولنورلر ایدی افندمز حضرتلرینه قبل البعثه زوجه اولمشلر و كافۀ كرائم سنیه و (قاسم) و (طاهر) و (طیب) نام انجال نبویه+یی طوغورمشلردر زوجات طاهراتك اول و افضلی اولدیغی متفق علیهدر سید الثقلین حضرتلریله اقترانی جمله+دن اول اولدیغی كبی نبوت و وحدانیته ایمانی دخی هركسدن اقدمدر یكرمی درت سنه و برقاچ آی جناب شفاعتمأب افندمز ایله بولنوب بعده یعنی هجرت سنیۀ نبویه+دن اوچ سنه اول التمش بش یاشنده اولدقلری حالده مكۀ مكرمه+ده واصل دارالنعیم اولمشلردر عاقله و اهل تمكین و مالدار بر خاتون ایدی حق علیالرنده خدیجه خیر نساء عالمها) بیورلمشدر.
حضرت عائشه+دن مرویدركه (رسول الله هر وقت حضرت خدیجه+یی ثنا بیوررلر ایدی بركون ینه ثنای جمیل ایله یاد بیوردقلرنده بكا غیرت نسوانیه عارض اوله+رق جناب خدیجه+نك سنی زیاده ایدی جناب حق سزه آندن كنجنی ویردی دیمشیدم جناب رسالتك بوكا جانلری صیقیله+رق (لاواه اندن خیرلیسنه نائل اولمامشمدر خلق دینسز ایكن او مؤمن ایدی و ناسک بنی تكذیب ایلدیكی اثناده او مصدق ایدی و بكا مالیله مواساة ایلدی و جناب حق بكا اندن بونجه اولاد احسان بیوردی دیملریله كندی كندیمه بوندن بویله جناب خدیجه+یی ثنادن بشقه بر سوز سویلمیم دیمش ایدم) بیورمشدر.