ابو منصور ماتریدی — ماوراءالنهرده و دیار رومده و سائر بعض
اقطارده اولان اهل سنتك اعتقادده امامیدر و اسمی محمد بن محمددر.
بو ذات علم فقه و كلامده زماننك اك اعلمی اولدیغندن (امام المتكلمین)
دیرلر ایدی حدیث و اصول و فروعده سندلری شیخ (ابی نصرالعیاص)
حضرتلریدر و انلرده (ابو بكر جرجانی)دن وانلرده (محمد بن حسن
الشیبانی)دن وانلرده (امام الاعظم) حضرتلرندن آلمشلردر و مذهب
ماتریدیه ایله مذهب اشعریه بیننده اولان فرق (ابو الحسن) كلمه+سنده
محرردر. ابو منصور حضرتلرینك درج كمال و همتلری تألیف
بیوردقلری (مأخذ الشرایع) و (تأویلات اهل السنة) نام كتابلردن
اكلاشیلور. وفاتی (٩٤٤ م و ٣٣٣ ه) تاریخنده+در