خالیس — الیوم آسیای صغراده (قزل ایرمق) اسمیله معروف اولان نهر كبیرك نام یونانیسیدر بو نهر (توروس) یعنی تورن طاغندن نشأتله غرب و شماله طوغری انحراف ایلدكدن صكره (غلاتیا)دن مرور و پافلاغونی)+یی (پونتیا)دن تفریق ایله صامسون كورفزنده قرە دكزه منصب اولور (آلیان) ایله (سخسار) نام حكمدارلر اشبو نهرك كنارلری اوزرنده تاریخ میلاددن ٦٠١ سنه مقدم بر محاربه ایدركن خسوف وقوعبولمغله محاربه+یه ختام ویریلوب بینلرنده ماء الحیات صلح و مسالمت جاری اولدی.