خالد ضیاءالدین — طریقت خالدیه مؤسسیدر. عن اصل (سلیمانیه) قصبه+سندن اولوب فیوضات ظاهره و باطنه+یی شیخ (عبدالله) دهلویدن اوده (شمس الدین جان جان مظهر) حضرتلرندن اخذ و اقتباس ایلمشدركه بو وجهله ارتباطی درت واسطه ایله عروۀ وثقی (محمد المعصوم) بن امام ربانی حضرتلرینه واصل اولور مؤسس مشارالیه علوم ظاهره و باطنه+ده اكملیتندن كنایه اوله+ارق (ذوالجناحین) تلقیب ایدلمشدر.
بر مدت بغداد و اندن صكرە شام شریفده صالحیه دركاهنده ارشاد و نشر علومه همت و (١٨٢٦ م و ١٢٤٢ ه) تاریخنده و اللی اوچ یاشنده دار نعیمه رحلت ایلدی. قبری ذكر اولنان صالحیه+ده واقع جبل اربعین اوزرنده+در.