خالد بن زید رضی الله عنه — كنیه+سی ابا ایوب انصاریدر. برقاچ غزاده علم ظفر توأم جناب رسول خدایی زیب سینۀ مباهات ایتمك شرفنه نائل اولمش و (٦٦٨ م و ٤٨ ه) تاریخنده دخی حضرت معاویه طرفندن اوغلی یزید ایله قسطنطنیه فتحنه اعزام قلنان عساكر اسلامیه+نك هیئت مشاورە+سندن اوله+رق كلمش ایكن (٦٧٢ م و ٥٢ ه) سنه+سنده حلول اجل موعودیله درسادتده كاغدخانه درە+سی جوارنده واقع اردوكاه اسلامیه+ده وفات ایلمشدر.
مشارالیه امام حسن رضی الله عنه حضرتلرینك خلافتی حضرت معاویه+یه ترك ایتدیکی كونه قدر اولاد جناب علی طرفنده بولنمشیدی. قبر عالیلری قبل الفتح دخی زیارتكاه نصاری اولوب یاغمور یاغمدیغی و بشقه یوزدن بر صیقندیلری اولدیغی حالده كیدر روحانیتندن استمداد ایدرلر و نائل مقصود اوله+رق عودت ایلرلر ایدی.