خالد بن سنان علیه السلام — (٥٣٧ م) تاریخنده یعنی هجرت نبویه+نك سكسان بش سنه مقدمنده عدنده عابس قبیله+سندن ظهور ایله خیلی معجزە+لر ارائه ایلدی ازجمله زمانمزده جسم موهوم دنیلان مشهور عنقا قوشینك اولوقت اوته+یه برویه وقوع مضرتنه مبنی دعالریله بالاپرواز محو و انقراض اولدیغی كتب موثوقه+ده محرردر. كریمه+سی ایام سعادت انجام (محمد)ی+یه (علیه السلام) یتیشه+رك التفاتلریله تشرف ایلدیکی بر كون حضرت مشارالیهك اخلاص شریف تلاوت بیورمقده اولدقلرینی ایشتمكله بو سورە+نك مألی پدرم خالد علیه السلامدن دخی مسموعم اولدی دیمشدر.