ابو معشر جعفر بن محمد — فضلای عصردندر و مولدی بلخ
شهرتی قاضی+در. بونك علم حدیث و رمل و نجوم و سائره+ده شهرتی فوق
العاده ایدی. اثنای سیاحتنده ملوك اعجامدن بری بونك نجومده اولان
مهارتنی تحقیق و حضورینه جلب ایدوب بنم مقربلرمدن بری فرار ایتدی
نره+ده اولدیغنی بیله+میورم اكر شونك نره+ده اولدیغنی فناً تحقیق ایده+بیلور
ایسك سكا زیاده+سیله اكرام ایدرم دیدی و مومی الیه دخی بوله+جغنی
تعهد و حساب ایدرك نهایت بر مشكل محلده یعنی بر قان دریاسی اوزرنده
اولدیغنی متحیرانه سویلدی و مؤخراًً ملك فراریء مرقومك عفوینی اعلان
و جلب ایله نره+ده ایدوكنی سؤال ایلدكده قاضی ابو معشرك مهارتی معلومم
اولدیغندن بوله+مامق ایچون بر تكنه+یه قان طولدیروب اوزرینه اوتوردم
ایدی دیدی. و بر دفعه دخی بلخ پادشاهنك غایت قیمتدار بر یوزوكی
غیب اولمغله ابو معشری چاغیروب یوزوكی چالانك كیم اولدیغنی نحوم
قوتیله بولمسنی امر اتمسی اوزرینه ابو معشر فنا یاپیله+جق شیئ یاپدقدنصكره
پادشاهم سزك یوزوككزی حق تعالی حضرتلری اخذ بیورمش دیمسیله
پادشاه و وكلاسی كولوشرلر و عادتا سن بر شئ بیلمیورسك دیرلر و مؤخراً
یوزوك پادشاهك اره صره اوقودیغی مصحف شریفك یپراقلری آرە+سندن
یاخود محفظه+سی ایچنده چیقمغله ابو معشرك علم نجومده اولان مهارتنی تصدیق و احسان ایلرلر. (كتاب الالوف) و (كتاب المدخل)
و (كتاب المذاكرات) بونكدر و صرعه علتندن وفاتی (٨٨٥ م
و ٢٧٢ ه) تاریخنده+در