خاتون — شرافت ذاتیه صاحبه+سی قادین معناسنه اوله+رق ایوبیه خاندانندن اکی معروفه قادینك دخی اسمیدركه بری سلطان ملك عادل (سیف الدین) بن ابی بكر بن ایوبك والدە+سی و دیكری مشار الیه ملك عادلك اوغلی ملك اشرف (موسی)نك كریمه+سیدر اولكیسی (١١٩٦ م و ٥٩٣ ه)ده ایكنجیسی (١٢٩٤ م و ٦٩٤ ه)ده وفات ایلدی هر بری حیاتنده املاك جسیمه+یه مالكه ایدی كریمۀ ملك اشرف اولان (خاتون) سلاطین ایوبیه+دن ملك منصور (محمود) ابن صالحك زوجه+سی اولوب شامده (خاتونیه) نامیله معروف مدرسه+یی یاپدیردی. درسعادتده فندقلیده كائن (خاتونیه مسجدی)نی دخی سرایلی (پریزاد خاتون) یاپدیردی كه امرای بحریه+دن عرب احمد پاشانك زوجه+سی ایدی.