حیفا — سوریه ساحلنده و عكا شهرینك طقوز میل اعشاری جنوب جهتنده و قدیم حیفا شهری خرابه+لرینك اون ایكی میل اعشاری اوست طرفنده بر شهردر و عكا كورفزی اوزرنده بولندیغندن لیمانی سفاین اوغراغیدر و بر حصار و برده قلعه ایله محاطدر و جبل فارملده بولنان قتولك یاپاسلرینك برده بر مسافرخانه+لری واردر. بوراسی (١٧٩٩ م و ١٢١٤ ه) تاریخنده مصری استیلا ایدن بوناپارتك جنرالی (قلوبر) طرفندن ضبط و ینه تخلیه اولنمشیدی