ابجد — مبتدیلره حروف هجایی تعلیمدن صكره تركیباتی أوكرتمك ایچون وضع اولنمش سكز عدد كلمه+در. بعضیلری بونلری فنیكه+لیلرك یاخود عبرانیلرك حروفی ظن ایتدیلر و بعضیلری ابجده اخذ ایتدی و هوزه ركوب ایتدی و حطی+یه طوردی و كلمنه سویلدی و سعفصه چابك اوكرندی و قرشته عالم اولدی و ثخذه حافظ اولدی و ضظغه كامل اولدی معناسنی ویردیلر و بعضیلری دخی (ابجد) ابو جادك غلطیدر و ابو جاد (شعیب) علیه السلامك امتی اولان اصحاب (ایكه) رؤساسندن بری و هوز و سعفص و قرشت رفقاسی و كلمن جمله+سنك رئیسی ایدی حتی یوم ظله+ده امت مرقومه هلاك اولدیغی زمان مرقوم كلمن دخی هلاك اولدیغندن قزی كلمن قد هد ركنی هلكه وسط المحله سید القوم اتا هم الحتف ناراً و سط ظله جعلت ناراً علیهم دار هم كالمضمحله
مرثیه+سنی سویلدی دیدیلر. و وفق مراقلیلری دخی یكرمی سكز حرفدن عبارت اولان اشبو ابجد حروفنی عجیب بر صورتده تركیب و استعمال ایدرلر شویله كه حروف مذكوره+یی دردر دردر (ابجد ) (هوزح ) (طیكل )
)منسع) (فصقر) (شتثخ ) (ذضظغ) برلشدیروب و هر برینی بر كوكبه
یعنی ابجد حرفلرینی زخله و هوزح حرفلرینی مشتری+یه و طیكل حرفلرینی
مریحه و منسع حرفلرینی شمسه و فصقر حرفلرینی زهرە+یه و شتثخ حرفلرینی
عطارده و ذضظغ حرفلرینی قمره نسبت ایدوب برنجی حرفلرینی عناصر
اربعه+دن ناری و ایكنجی حرفلرینی هوائی و اوچنجی حرفلرینی مائی
و دردنجی حرفلرینی خاكی طانورلر و قواعد مخصوصه+لری اوزره وفقلرنده
و عزیمتلرنده قوللانورلر.
اسلافك حروف عربیه+یی ذكر اولنان رؤسا یاخود ملوك مدین اسملرینك
حروفی عددنجه وضع و ترتیب ایتدیكی و بعد زمان (ثخذ) و (ضظغ)
حرفلری دخی بولنوب تردیف اولندیغی و اشبو حروف اخیره+یه (روادف)
اطلاق ایدلدیكی دخی بعض كتابلرده كورلمشدر.