حیدر علی — هندستان فاتحلرندن بر ذاتدر مشار الیه (میسور) ولایتی مضافاتندن )قولار) نام موقع جوارنده بر قلعه ضابطنك صلبندن وجوده كلمش و شرافت ادعاسی ایتمشدر مهراتلرله ایتدیکی محاربه+ده ابراز مأثر جلادت ایلدیكی جهتله میسور راچه+سی طرفندن التفات اولمق اوزره وكلا صرە+سنه ادخال ایدلمش ایسه ده مشار الیه (١٧٦١ م و ١١٧٥ ه) تاریخنده رفع لوای تغلبله (سرانقابه) نام موقعیو متعاقباً بتون میسور ولایتنی ضبط و تسخیر و راچه+یی دفع و تبعید ایتدیكی كبی فرانسزلرك امدادیله قالكوته و مالابار حوالیسنی دخی زیر حكمنه آلدی وانكلیزلر براز قارشو طورمق استدیلر ایسه ده بر شیء قزانه+مدیلر. مشار الیه (ارقان)ده (١٧٨٢ م و ١١٩٨ ه) تاریخده وفات ایتمشدر