حیدرآباد — هندستانده (دقان) قرالیتنده حیدرآباد ایالتنك برنجی شهری و (نظام) حكومتنك مركز اداره+سیدر اشبو شهر (موصی) نهری اوزرنده و (غولقولده)نك جهت شرقیسندن ٣ و (مادراس)ك جهت شمالی و شمال غربیسندن ٢١٠ كیلومترو بعد و مسافه+ده واقع و ایكی یوز بیك نفوس اهالی+یی جامع اولوب الماس تجارتیله مشهوردر شهر مذكور (١٥٨٦ م و ١٢٥٦ ه) تاریخنده تأسیس اولنوب اول امرده (بانیاغور) نامیله معروف ایكن مؤخراً داماد جناب نبوی (امام علی كرم الله وجهه) حضرتلری شرفنه اولمق اوزره (حیدرآباد) تسمیه اولنمشدر
حیدرآبادك قدیم ایالتنه (غولقونده) ایالتی دخی دینلور اشبو ایالت شمال و شمال غربی طرفندن (بیدر) و جنوب غربی طرفندن (پیشاور) و جنوب طرفندن (بلاغت) ایالتی و (سیرقار) مملكتی و شرق طرفندن (غوداوه+ری)یی تفریق ایدن (غاندوانا) ایله محدوددر
ایالت مذكوره از مرتفع جبالی حاوی بولنوب غایت منبت و محصولدار اودیۀ كثیره+سی واردر اهالیء موجوده+سی (براهمان) مذهبندن اولوب (تلنفان) لغتنی تكلم ایدرلر مقدما حیدرآباد (تلنفان) و(پیشاور) راچه+لرینه ملحق ایكن اون بشنجی عصر میلادیده اسلاملر ضبط ایدرك غولقونده نامیله بر خصوصی حكومت تشكیل ایلدیلر مؤخراً یعنی (١٦٨٧ م و ١٠٩٩ ه) تاریخنده (اورنكزیب) ملكنه الحاق ایدوب (١٧١٩ م و ١١٣٢ ه) تاریخنه طوغری دخی (چینكیلی) خان مغول حكومتی نامنه اولمق اوزره بو ایالتی اداره ایدر ایكن نائل استقلال و (١٧٤٧ م و ١١٦٠ ه) تاریخنه قدر برحیات اولوب وفاتندن صكره یرینه اوغلی (قاضی الدین) خان کچدی و مؤخراً حیدر علی+یه و ماهراتلره و انكلیزلره قارشو بربرینی متعاقب محاربه ایدن (نظام علی) تصرف ایلیوب نهایت ١٨٠٠ م و ١٢١٥ ه) تاریخنده انكلیزلرده قرار بولدی قدیم (مولتانده) و (سندیه)دن متشكل بر اطه+ده انكلیرزلره تابع بر مركز امارە+نك دخی نامی حیدرآبا اولوب یكرمی بیك اهالیسی و بر قلعۀ داخلیه
ایله اسلحه فابریقه+لری و جسیم تجارتی واردر بو شهر كچن عصرك اواسطنه طوغری تأسیس اولمشیدی