لغات تاریخیه و جغرافیه

Lugat-ı Tarihiyye ve Coğrafiyye

حیات و ممات عمومیۀ بشریه

Hayat u memât-ı umumiye-i beşeriye

حیات و ممات عمومیۀ بشریه — اهل حسابك استخراجنه كوره یریوزنده یشایان افراد بشریه اوچبیك التمش درت السنۀ مختلفه ایله تكلم ایدرلر و مذاهب موجوده بیك یوز عدده بالغ اولور و انسانك علی العموم عمر متوسط اوتوز أوچ سنه درت ای اولوب تولد ایدنلرك درتده بری یدی یاشنه وارمزدن و نصفی اون یدی یاشنه كیرمزدن اول وفات ایدر. بشیوز كشیدن یالكز بری سكز یاشنه بالغ اوله+رق یوز كشیدن یالكز التیسی التمش سنه و دها زیاده یشادیغی مثللو بیك كشیده انجق بری یوز یاشنه واصل اوله+بیلور. بیك میلیوندن عبارت اوله+رق برحیات اولان نفوسك اوچیوز اوتوز میلیونی بهر سنه و طقسان بر بیكی بهر یوم و اوچبیك یدی یوز اوتوزی بهر ساعت و التمشی به دقیقه و بری بهر ثانیه وفات ایتمكده+در.