حوراسلر — روما قهرمانلرندن اوچ قرنداشك اسمیدر. بونلر (٤٩٢٧ خ) تاریخنده یعنی میلادك التی یوزالتمش یدی سنه مقدمنده اولان بر وقعه اوزرینه شهرت بولدیلر شویله كه رومالیلر ایله الب اهالیسی بیننده ظهور ایدن بر نزاع محاربه+یی نتیجه ویره+رك طرفین عسكری قارشو قارشویه كلدكلرنده عقلادن بریسی (بونجه ادمك قانی دوكلمكدن ایسه ایكی طرف اوچر مبارز انتخاب ایدوب اورته+یه چیقاره+لم و قنغی طرف مبارزلری غلبه ایدر ایسه او طرفی غالب طانیه+لم) دیمسی اوزرینه اتفاق آرا حاصل اولمغله ایكی طرف اجلی یتمش قهرمان تحری ایدرك رومالیلر اشبو (حوراسلر)ی و البلیلر (كوریاس) نامندە+كی پهلوانلری بولوب میدان مبارزە+یه چیقاردیلر بونلر یكدیكریله مقاتله+یه كیریشه+رك حوراسلردن ایكیسی مقتول دوشدیسه ده اوچنجیسی میدانی قزاندیغندن بر موجب مقاوله غالبیت رومالیلرده قالدی. بو صرە+ده اشبو اوچنجی حوراسك مقتول كوریاسه نامزد قزقرنداشی نشانلیسنی قتل ایتدیندن طولایی قرنداشنه شتم و بد معامله+ده بولنمسنه بناء جوراس تحمل ایده+میوب انی دخی نشانلیسنه الحاق ایلمكله بیچاره+نك حضور محكمه+ده قصاصنه حكم اولندیسه ده برقاچ كون صكره وطننی تجاوز اعدادن قورتارمق كبی بر بیوك فداكارلقده بولندیغنه حرمة اهالینك شفاعتنه مظهر و عفو واطلاق اولدی.