حوتانتو یاخود (اوتنتو) — افریقا قطعه+سنك منتهای جنوبیسنده و سمبه باژی و كافرستان آره+سنده واقع اراضیء وسیعه+نك اسمیدركه مشهور (قاپ) یعنی (امید برونی) ولایتی بو اراضی داخلنده بولنور و بعضاً مسكون اولان عموم اهالی+یه دخی حوتانتو دنیلور كندو بینلرنده (قواقوا) نامیله یاد اولنان اشبو حوتانتولر ایكی بیوك قبیله+یه منقسم اولوب اراضیء مذكوره+نك جهت شرقیسنده اولان (ناماقار) قبیله+سی اهالیسی اكرچه براز وحشی ایسه ده وسط و شمال شرقیسنده اولان (قورانا) قبیله+سی اهالیسی اپیجه مدنی و مواشی تجارتی و باقر اعمالی كبی شیلرله متمتع درلر. فلمنك مسیونرلری بورالره یایلوب خرستیانلغی نشره اوغراشدقلری كبی بر طاقم تأسیسات نافعه دخی وجوده كتورمشلردر
حوتانتونك شرق جنوبیسنده+كی (پوشمیان) ویا (صعب) و (هوزوان) دخی غلبه+لك قبیله+لر ایسه ده غایت سفالت و بدویت اوزره+درلر و تعیشلری صید و نباتات كوكلرینه منحصردر و بر چوغی دخی اورمان خرسزلغی و قبائل متجاورە+یی اوروب حیواناتنی غصب ایله مألوفدر. حوتانتولر باشلرینك مثلث الشكل و یناق كمیكلرینك چیقنتیلی اولمسی و برونلرینك یاصیلیغی و دوداقلرینك شیشكینلك و ارتفاعی مناسبتیله افریقا قطعه+سی اهالیسنك چركینلرندن صاییلورلر. (امید برونی)نه دخی مراجعت بیوریله