حواریون — حضرت (عیسی) علیه السلامك اصحاب كرامندن اولوب احكام شرعیه+سنی انفاذ و اجرا بابنده سعی بلیغ ایدن اون ایكی ذاتك عنوانیدركه اسامی و بعض تراجم احوالی بروجه زیر بیان اولنور
١ (پتروس) — تواریخ اسلامیه+ده (سیمون) و (شمعون الصفا) عبرانیلرجه )سه+فاس) آوروپالولرجه (سن پییر) الیوم پاپالق مسندنده بولنانلر كندولرینی (عیسی) علیه السلامک خلیفه+سی و پتروسك وكیلی طانورلر
و پاپایه تابع اولان خرستیانلر دخی اولوجهله اعتقاد ایدرلر. (پتروس) كلمه+سنه نظر بیوریله
٢ (اندریاس) — پتروسك برادریدر. (اندریاس) كلمه+سنه نظر بیوریله
٣ (یاقووس) تواریخ اسلامیه+ده (یعقوب) — صیدا اهالیسندن و بالقچی اصنافندن ایكن ترك اشتغال ایدرك مجلس جناب (یسوع)ه داخل اولدی. وفاتی میلادك قرق ایكنجی سنه+سنده و قبری اسپانیاده (غالیسیا) قطعه+سنده (سانتیاغو) شهرنده واقع كلیساده+در
٤ (یوانیس) تواریخ اسلامیه+ده (یوحنا) یاخود (یحیی) — صیدا اهالیسندندر. یكرمی بش یاشنده بالقجیلغی تركله (عیسی) علیه السلامه مقارنت و بعدالرفع بر مدت آسیاده سیر و صحت ایلدكدن صكره روما ایمپراطوری (دوموأیتو)ك امریله رومایه كتورلدی و برای اعدام قاینار یاغ دروننه آتلدیسه ده تأثیری كورلمدیكندن (پاتیموس) اطه+سنه نفی ایدلدی مؤخراً اطلاق اولندقده اناطولیده واقع (افس) شهرینه كلوب اوراده دردنجی انجیل ایله دكر اوچ عدد رساله+یی یازدی. وفاتی میلادك طقسان درت ویاخود طقسان طقوزنجی سنه+سندەدر
٥ (فلیب) — بو ذات دخی صیدادن اولوب (عیسی) علیه السلامك رفعندن صكره (فرییا) شهرینه كیدرك اوراده خیلی زمان دین اوغرینه چالشدیغی حالده میلادك سكساننجی سنه+سنده و حال شیخوختند اعدام اولندی
٦ (طومه+دیدیموس) — بونك نره+لی اولدیغی و قنغی تاریخده وفات ایلدیکی بیلنه+میور ایسه ده رفع جناب (عیسی)دن صكره برای دعوت ایران و هندستان طرفلرینه كیدوب اورالرده اعدام قلندیغی بعض تواریخده كورلمشدر
٧ (پارتلمی) یاخود (وارتلومیئوس) — منشأی مجهول ایسه ده ایران و هند و حبشستان جهتلرنده سیر و سیاحت ایتمش و (٧١ م) تاریخیله ارمنستانده اعدام اولنمشدر. هر سنه اغستوسنك یكرمی دردنده یورطیسی طوتیلور. اعتبار ایدلمیان انیجیللردن بری ده بونكدر
٨ (ماتیئوس) تواریخ اسلامیه+ده (متی) — جلیل نام قصبه+نك یرلی كمرك مأمورلرندن ایكن ترك مأموریتله مجلس (عیسی) علیه اسلامه دخالت و بعدالرفع عجمستان حوالیسنده سیر و سیاحت ایلدی برنجی (انجیل) بونك اثریدر. بو ذاتك آتش اوزرنده اعدام اولندیغی روایتی وارسه ده صحتنه حكم اولنه مز
٩ (یاقووس) تواریخ اسلامیه+ده (یعقوب) — اشبو ایكنجی یاقووس . حضرت (مریم)ك اقرباسندن غایت حلیم و سلیم بر ذات ایدی. (عیسی) علیه السلامك رفعندنصكره قدس شریفده یوكسك بر یرده اوتوروب هركسی دین عیسایه دعوت ایتمكده ایكن مخالفیندن برچوق كیمسه+لر كلوب ایچلرندن بری ارقه+سندن قاقمغله اشاغی دوشر دوشمز جمله+سی بردن طاشلرله اوره+رق تلف ایتدیلر. بیچاره+یی اوررلر ایكن اغزندن ینه دعادن بشقه برشی چیقماز ایدی تاریخ وفاتی معلوم اولمیوب بعضیلرینه كوره قبری اسپانیاده غالیسیا قطعه+سنده كائن دیرده+در خرستیانلق حقنده بش بابی شامل بر رساله+سی واردر
١٠ (یوده ثادیئوس) — بو دخی حضرت (مریم) اقرباسندن اولوب رفع عیسی علیه السلامدنصكره (آدسه)ده نشر دین ایلدی. (آدسه) بروسه حوالیسنده بر اسكی مملكتك اسمی ایمش
١١ (سیمون قنادیس) — (سیمون) كلمه+سنه نظر بیوریله
١٢ (ماتیئس) — بو ذات (عیسی) علیه السلامك طوتلمسنه سبب اولان منافق (یوده اسخریوتی)نك یرینه کچوب حواریوندن عد اولنمش
و بعد زمان حبشستانده اثنای وعظده مخالفین طرفندن طاشلنه+رق اعدام ایدلمشدر