حمص نام قدیمی (امه+ز) — سوریه ولایتی داخلنده و شام شریفك یوز اوتوز التی میل اعشاری شمال شرقیسنده اوتوز بش بیك نفوسی شامل بر لوا مركزیدر.
ازمنۀ قدیمه+ده مستقل كوچك بر قرالیتك مقر حكومتی ایكن متعاقباً سوریه حكمداری و رومالولر و عربلرك الینه و اك صكره دولت عثمانیه+نك قبضۀ تسخیرینه کچدی. او وقتلر اهالیسی سمادن دوشدیكنی ظن ایلدكلری مخروطی الشكل و سیاه كونش رسمنده+كی بر طاشه تعبد ایدوب بوكا (آله الاغابال) دیرلر ایدی. (هه+لیوغابال) نام كاهن بوراده ایمپراطور عنواننی آلوب كندوسنه و حمصه اهمیت ویردی. اون ایكنجی عصرده وقوع بولان بر حركت ارضدن ناشی منهدم اولان ابنیه+سنك الَان خرابه+سی كورلمكده+در. منسوجات قطنیه و حریریه+سی و صابونی و حلب و شام ایله تجارتی رواجده اولوب مشهور (عاصی) نهری درونندن كچمكده+در. مصرلی ابراهیم پاشا (١٨٣٢ م و ١٢٤٨ ه) تاریختده شام شریفی الدقدن صكره حسین باشا اردوسنی بوزوب بوراسنی دخی آلمش و (١٨٤٠ م و ١٢٥٦ ه) سنه+سنده دخی انكلیزلر طرفندن اشغال ایدلمش ایدی.