لغات تاریخیه و جغرافیه

Lugat-ı Tarihiyye ve Coğrafiyye

حمزه بالی

Hamza Bâlî

حمزه بالی — طریقت علیۀ بیرامیه خلفاسندندر. مرشدی شیخ حسام الدین انقروی حضرتلرینه رففاسندن بعضیلری (حمزه بالی اولكی سعی و ریاضتی براقمش. بزه هركون طاوق شورباسی ییورم دیو تفاخر ایدییور) دیملریله شیخ مشار الیه چاغرده+رق (اوغل بالی. تارك ریاضت اولمش و هركون طاوق شورباسی ییور ایمش+سك بو نه حالدر) دیدكده (اوت طاوق شورباسندن مرادم فقرانك قپولری قربنده+كی طاش تكنه+لره. كلبلر ایچون دوكدكلری طاوق و شوربادركه هر صباح نمازه كیدركن تحقیر نفس املیله انلره اشتراك ایدییورم) جوابنی ویرمشدر. مومی الیه اخیراً مسقط رأسی اولان بوسنه+یه نقل و هجرتله اهالی+یی طریق رشاده دعوت و پك آز زمانده بر چوق مرید جمعنه همت ایلدیسه ده محلی مشایخ و علماسی (بو امی آدمك كندوسنی هركسه بو قدر سودیرمسی استدراجدن بشقه بر شی اولمیوب مرادی دخی ساده دلان خلقی قاندیرمق و بالاخره بر فتنه اویاندیرمقدر) دیو علیهنه اتفاق و درسعادته بر اعلام كوندردكلرندن مشهور ابو السعود افندی فتواسیله (١٥٦١ م و ٩٦٩ ه) تاریخنده استانبوله كتوردیله+رك دیو اوغلی چشمه+سی اوكنده نوش جام شهادت ایتدیرمشلردر. قبری حطب قپوسی داخلنده دیو اوغلی یقوشی باشنده كندو نامنه انشا قلنان جامع شریف خطیره+سندندر.