حمزه رضی الله عنه — عبد المطلبك مخدومی و علیه الصلاة والسلام افندمزك عم اكرمی اولوب كنیه+سی (ابو عماره) لقبی (اسدالله)در اللی طقوز یاشنده ایكن احد غزوۀ مشهوره+سنده هنوز حال شركدن قورتلمامش اولان جبیر بن مطعمك غلامی (وحشی) طرفندن شهید ایدیلوب بو حال جناب نبوتمأب افندمزك آیینۀ طبع همایونلرینه ژنك ملال ویردیكندن بدلنه اعیان كفار قریشدن یتمش نفرك قتل و اعدامنی نذر بیورمشلر و جنازه نمازنده یتمش تكبیر آلمشلردر.