حماد — كنیه+سی ابو اسماعیلدر. برنجی طبقه فقهاسندن اولوب پدری امام اعظم حضرتلری كبی كمال زهد و صلاحله موصوفو بین الانام علم و فضیلتله معروف بر ذات ایدی. (٧٩٢ م و ١٧٦ ه)
تاریخنده وفات ایلدی اوغلی اسماعیل دخی ایكنجی طبقه فقهاسندن احكام و وقایعه عارف و دقایق علومه واقف بر وجود نادر الموجود ایدی (رقه) و (بصره) قاضیلكلرنده بولندی. فقهه دائر (جامع) و (كتاب الارجاء) ایله قدریه حقنده اولان (درر) جملۀ تألیفات لطیفه+سندندر. (حماد كوفی) نامیله مشتهر بر ذات دها واردركه كنیه+سی ابوالقاسم لقبی راویه+در. بونك شعرده اولان مهارتی عصری شعراسنه نسبت قبول ایتمز بر درجه+ده بولنوب حتی كرك زمان جاهلیتده و كرك صكرە+دن سویلنان اشعار و قصائد بلیغه كافةً مضبوطی ایدی. وفاتی (٧٧١ م و ١٥٥ ه) تاریخندە+در.