حما — سوریه+ده (اورونت) صویی اوزرنده و شام شریفك یوز سكسان بش میل اعشاری شرق شمالیسنده التی یدی بیك نفوسی حاوی مستحصن بر شهردر جوامع شریفه و خان و حمام و پازار یرلریله مزیندر و اطرافنك سوری و ایج قلعه+سی حالا موجوددر معمولات داخلیه+سی قبا چوقه و منسوجات حریریه و قوشاق و دلبنددن عبارتدر و اوروپا امتعه+سنك دخی مغازه+سی مثابه+سنده+در شهر مزبور ملوك ایوبیه+دن بر فرعك مقر امارتی اولمشیدی. نام قدیمی یونانیلرجه (اپیقانیا) لاتینلرجه (آمات)در.