حلب — شام شریفك ایكی یوز كیلومترو شمال شرقیسنده بر ولایت مركزیدر. (١٨٢٢ م و ١٢٣٨ ه) تاریخنده خرابنی مؤدی اولان حركت ارضدن مقدم اوچ درت یوز بیك رادە+سنده نفوسی بولندیغی حالده شمدی مجموع نفوسی یوز یكرمی بیكه بالغدر. بوراسی اك اول یعنی (١٢٣٨ م و ٦١٦ ه) سنه+سنده (ابو عبیدة بن جراح) رضی الله عنه طرفندن فتح و (١٢٦٠ م و ٦٥٩ ه)ده مغوللر جانبندن ضبط ایدیلوب (١٤٠٢ م و ٨٠٥ ه)ده دخی تیمورلنكك كرفتار چنك تخریب و عقوبتی
اولدقدن صكره عاقبت (١٥١٦ م و ٩٢٢ ه) تاریخنده مصرلیلردن دولت عثمانیه اداره+سنه انتقال ایلدی. مقدما بوراده پك چوق قماش نسج و اخراج اولنور ایدی. جامع و حماملری چوق ایسه ده حركت ارضدنبروبعضیلری خراب قالمشدر. رشدیه مكتبی و سائر آثار نافعه+سی واردر. بورایه (تدمر جدید) دخی دیرلر ایدی. عهد عتیق كتابلرنده (پره) نامیله مقیددر