حلاج منصور — عاشقان دیدار خدا و عارفان اسرار كبریادن بری اولوب اسمی حسین كنیه+سی ابو مغیث مسقط رأسی فارسده (بیضا) قصبه+سیدر. حال استغراقده ایكن ظاهر شرع شریفه منافی سویلدیكی )انا الحق) سوزینه بناء برقاچ سنه+لر حبس اولندقدن صكره (٩٢١ م و ٣٠٩ یاخود ٣١١ ه) تاریخنده قاضی ابو عمروك فتواسی و خلیفه (مقتدر)ك وزیری حامدك امریله اعدام اولندی اما بو اعدام بیاغی بر اعدام دكلدی اولا بیك دكنك ضربیله اللری و ایاقلری برر برر قطع و بعد الاعدام وجود مباركی آتشده یاقیله+رق خاكستری هوایه رفع ایدلدی. عزیز مشارالیه ال و ایاقلری كسیلوركن (الهی افنیت ناسوتیتی فی لاهوتیتك و بحق ناسوتیتی علی لاهوتیتك ان ترحم علی من سعی فی فتلی) دیه+رك قاتللری حقنده دعای خیر ایدردی. چوق سورمدی وزیر مومی الیه حامد دخی حلاجه روا كوردیكی اذا و جفایه مبتلا یعنی اولوجهله اعدام و افنا قلندی. منصور (دنیایی ترك نفسک. آخرتی ترك قلبك. وجودی ترك روحك زهدیدر و معرفت. اشیایی معناده قرین محو و فنا كورمكدر) دیر ایدی.
بركون محبته دائر وارد اولان بر سؤال اوزرینه (دست و پایك قطع و بردار ایده+لر) دیو حقنده وقوعبوله+جق معامله+یی قبل الظهور كشف و اتیان بیوردیغی مرویدر.
شیخ (وفا) حضرتلرینه بعض معترضل (منصور نیچون ان الحق دیدی) دیملریله مومی الیه (انا الباطل می دیسون) سوزیله مقابله+ده بولنه+رق حریفلری كوزلجه اسكات ایلمشدر.