حكیم ترمدی — مشاهیر محدثین كرامدن محمد بن علی بن حسن بن بشرك شهرتیدر اكثر احادیث نبویه+یی خراسان و عراقده استماع ایدوب كندوسندن دخی قاضی یحیی بن منصور و سائرلری روایت ایلمشلردر. (كتاب الفروق) (عرس الموحدین) (غورالا مور) (كتاب المناهی) (كتاب شرح الصلوة) تألیفات لطیفه+سندن اولوب بونلردن كتاب الفروق مثلی معدوم بر اثر معالیموسومدر. حكیم مومی الیه انبیاء كرامك بر خاتمی اولدیغی كبی اولیانك دخی بر خاتمی اولمسنه قائل اولدیغی و ولایتی نبوته تفضیل ایدرك بو تفضیلنه ایسه جناب رسالتپناه افندمزک (یغبطهم النبیون و الشهداء) قول شریفی ایله احتجاج ایدوب اولبابده (ختم الولایه) و (علل الشریعه) نام كتابلری یازدیغی و بونك ایچون ترمددن نفی اولندیغی حكایه اولنیورسه ده مولانا عبد الرحمن جامی حضرتلرینك نفخات الانس نام كتابنده مومی الیهی مبالغه ایله ثنا ایدیشنه باقیلور ایسه قول مذكورك صحیح اولمامسی لازم كلور. مع مافیه اشبو تفضیل ماده+سی كتاب فصوصدن مستنبط بر مسئلۀ مشهوره اولارق آنی ده خیلی وجوه معقوله ایله توجیه و تأویل و تصحیح و تعلیل ایلمشلردر.