حكیم اوغلی علی پاشا — حرب و ضربه قادر و كرم و سخاسی ظاهر بر وزیر بهادر ایدی. سلطان محمود اول و عثمان ثالث زمانلرنده اوچ دفعه صدرنشین مقام صدارت اولدی اك صكره عهده+سنه اناطولی ایالتی توجیهیله كوتاهیه+یه كوندریلوب (١٧٥٧ م و ١١٧١ ه) تاریختده اوراده وفات ایلدیكندن نعشی درسعادته كتورلدی. درسعادتده الآن (حكم اوغلی علی پاشا) دینمكله شهرت آلان جامع شریفی بیوك بر همتله وجوده كلمشدر. بو ذات افرنجی الاصل اولدیغی حالده روم ایلی قاضیعسكرلكنی احراز ایدن سراطبا نوح افندینك اوغلی ایدی.