حفره — یكرمی التنجی سلالۀ فراعنه+دن بر حكمداردر. ایكنجی (بخت نصر) مصری جبراً تحت حمایه+سنه الدیغی زمان بونی طرفندن والی كبی براقمش ایدی. (٥٠٢٤ خ) تاریخنده یعنی میلادك بشیوز یتمش سنه مقدمنده بنغازیده ظهور ایدن اختلالی باصدیرمق ایچون كوندردیكی (امازیس) نام ضابط ارباب اختلالی تربیه ایدە+جك یرده آنلرله سوزی پیشیروب و مصر اوزرینه یورییوب ولی النعمتی اولان بیچاره حفره+یی خلع و احناق ایله تخت مصره اوتوردی (امازیس) كلمه+سنه دخی نظر بیوریله .