حطیم — حجر كعبۀ معظمه+یه اطلاق اولنوركه جانب شمالیسنده اولان محلدر بیت شریفدن مخرجدر علی قول انك دیوارینه دینور یاخود ركن ایله زمزم و مقام ابراهیم مابینندن عبارت اولوب بعضیلری حجری دخی علاوه ایدرلركه بو صورتده دردینك مابینی دیمك اولور و علی قول مقام ابراهیمدن باب بیته وارنجه+یه قدر اولان محلدر یاخود ركن حجراسود ایله باب بیتك مقام ابراهیمه قدر اولان مابینیدركه بوراده ناس دعا ایچون طوپلانورلر زمان جاهلیه+ده عربلر اوراده مجتمعاً تحالف و تعاهد ایدرلر ایدی.