لغات تاریخیه و جغرافیه

Lugat-ı Tarihiyye ve Coğrafiyye

حضر الیاس افندی

Hızır İlyas Efendi

حضر الیاس افندی — مشایح كرامدن ( یایا باشی) نامیله مشهور بر اهل حال ذاتدر. یكیچری اوجاغندن نشأتله طریق خلوتیه رجالندن (وشنه) افندی+یه تحصیل نسبت و بر مدت اخذ فیض و همتدن صكره (١٥٩٥ م و ١٠٠٥ ه) تاریخنده درویشلریله عازم اولدیغی (اكری) سفرنده نوش شربت شهادت ایلمشدر. محاربه میداننده بغتةً دشمن ایچنه طالوب سره قدم باصمش اولدیغی حالده ختام محاربه+ده مریدلری شهدا میاننده بولدیلر و صیقی صیقی طوتمش اولدیغی بر مقتول دشمن پرچمنی الندن كوج ایله قورتاردیلر. نعشی تاتار پازارنده مدفوندر.