حشمت افندی — صدور عظامدن عباس افندینك وغلی اولوب طریق تدریسه دخول ایله دور مدارس ایتمكده ایكن (١٧٦١ م و ١١٧٥ ه) تاریخنده زباندرازلق تهمتیله بروسه+یه نفی و صكره منفاسی ردوسه تحویل اولنوب (١٧٦٨ م و ١١٨٢ ه) تاریخنده اوراده وفات ایلدی. مراد رئیس ایله برابر یاتورلر. بر قطعه دیوان بلاغتعنوانی واردر.
اشبو ابیت انكدر
رخصت بولنور دامن جانان اله كیرمز
جانان بولنور كوشۀ امكان اله كیرمز
رخسارینی آزردۀ دست طلب ایتمه
افسرده اولور اول كل خندان اله كیرمز
قوینكدن آییرمه بیل انك قدرینی ای شوخ
شمت كبی بر نسخۀ عرفان اله كیرمز