حسین قاضیمیر — مسقط رأسی (میبد) قصبه+سیدر. آوان جوانیده شیرازه محملساز عزیمت و آنده علامۀ زمان جلال الدین دوانی حضرتلریلك حلقۀ تدریس و افاده+لرینه ملازمت ایله منقولات و معفولات و علم تصوفده درجۀ كماله واصل و علی الخصوص اقسام علوم حكمیه+ده ماهر و كامل اولمش ایدی ایادیء ناسده متداول اولان (هدایه) اوزرینه (قاضمییر) نامنده بر شرحی و فن حكمتده (كیتی نما) نام بر رسالۀ مطبوعه+سی واردر.
دیوان معجز بیان (علی) كرام الله و جهه حضرتلرینه یازدیغی شرح ایسه حقیقةً شایان ستایش بر اثر اولوب دیوان مشار الیهك حقایق و دقایقنی پك كوزل كشف و ایضاح ایلمشدر. بو ذاتده آثاری انظار ادبایه وضعه سزاوار طبیعت شعریه دخی وار ایدی. زیرده محرر ابیات حضرت (علی) افندمز حقنده سویلدیکی قصیده+دندر.
بس كه تابد مهر حیدر هردم ازسیمای من
آسمانرا سرفرازی باشد ازبالای من
چون سخن كویم ز معراجش كه آن دوش نبیست
پای در دامن كشد فكر فلك پیمای من
بهر وصافی او سر قدم كشتم زبان
تانكردد غیر مد حش ظاهر ازاجزای من