حسین بیقرا — تركستان حكمدارلرندندر. نسب عالیلری خسرو ایران و توران امیر تیمور كوركانه و اندن برقاچ واسطه ایله جنكیز خانه منتهیدر. پدرلری (بایقرا)نك وفاتندن صكره اكرچه بعض موانع حیلولتیله تخت موروثنه جلوس ایده+میه+رك صحرا نورد عجز و پریشانی اولدیسه ده (١٤٧٠ م و ٨٧٥ ه) تاریخنده غاصب سلطنت (یادكار محمدبن بایسنقر)ك علیهنده وقوعه كلان هیجان اهالی+یی فرصت بیله+رك اوزرینه هجوم و غلبه ایله استرداد تخت و تاجه موفق و اوتوز سكز سنه جالس اورنك سلطنت اوله+رق یتمش یاشنده واصل رحمت رب مطلق اولدی.
سلطان مشار الیه رعایا پرور. عدالتكستر. ملجاء عرفا. مأمن ظرفا. فضل و شجاعت و عقل و سخاوتده غبطه فرمای سلاطین پیشین و حسن طبیعت و فصاحت و بلاغتده سرافراز شاهان دیرین بر ذات ستوده صفات اولوب فضل و كمالی شهرتكیر آقاق بولنان (میر علیشیر نوایی) وزیری و عبدالرحمن جامی شاعری ایدی. مشارالیهك فضلی ) مجالس العشاق) نام اثریله دخی استدلال اولنور.
اشعار آبدارندن بوراده تبركاً بر بیت یازلدی.
بیت
خطی+نینك تاری توشوب تور لعل میكون اوستنه
ایلا كیم جان رشته+سی بیر قطرۀ خون اوستنه