حسین بهادر — تمیورلنك سلاله+سندن صوكنجی عجم شاهی اولوب (١٤٣٨ م و ٨٤٢ ه) تاریخنده هراتده طوغمشدر تخت سلطنته قعودی قاعدۀ وراثته مبتنی اولمیوب كندوسنه بند ایلدیكی قوتلیبر فرقه سایه+سنده ابتدا (استر آباد)ی ضبط ایله (١٤٥٩ م و ٨٦٤ ه) سنه+سی (مازندران) حكمدارلغنی اشاعه و مؤخراً خراسان و (١٤٧٠ م و ٨٨٥ ه) تاریخده (بلخ) بعده (هرات)ی ید استیلاسنه اله+رق بو وجهله عجمستان شرقیده خیلی زمان معمور و آبادان بر حكومت مستقله تأسیس و ادامه ایلدی قرق سنه مدت اجرای نفوذ سلطنت ایتدكدن صكره التمش یاشنده اولدیغی حالده وفات ایلمشدر مشهور (میر علیشیر) وزراسندن بری اولوب زمان سلطنتنده مشارالیه خیلی معاونتی اولمشدر.