حسین پاشا — جزایرك صوك والیسیدر اصلی ازمیرلیدر. بو آدم جزایرده عساكر شاهانه ضابطانندن ایكن (١٨١٨ م و ١٢٣٤ ه) تاریخنده جزایر والیسی اولوب غایت خود بین و متكبر بر آدم اولدیغندن جزایرك دولت علیه الندن چیقمسنه سببیت ویردی شویله كه بر رمضان كونی النده طاوس توكندن مرصع یلپازه مندر اوستنده متعظمانه قوریلوب اوتوردیغی صره+ده مرجان رسومندن جزایر خكومتنك فرانسه تبعه+سندن )باقری) نام یهودیده اولان مطلوبنك تحصیل اولنمدیغنه حدتلنه+رك النده+كی یلپازه+یی او ارالق زیارتنه كلان موسیو (دوه ل) نام فرانسه قونسلوسنك صورتنه چارپمغله وقعه درعقب فرانسه+یه عكس ایدرك فرانسه دولتی اولا قونسلوس ایچون بر ترضیه طلب ایتمك اوزره لغت صاحبی مشهور (پیانکی)یی كوندرمش ایسه ده حسین پاشا عدم قبول ایله برابر متهورانه رد ایلدیكندن اوزرینه (بورمون) قومانداسنده جسیم بر دوننمه
كوندردی و پاشا حضرتلری ایسه عجب و غروری حسبیله كندوسنی مدافعه+یه مقتدر طانیدیغندن هیج بردرلو تدبیر تحفظكاری+یه یناشمدیغی حالده (١٨٣٠ م و ١٢٤٦ ه) تاریخنده شهر طوپه طوتیلوب فرداسی كونی احمق اوتانمدین استیمان ایلدی و اهالی یكرمی بر كون مدافعه ایدوب نهایت انلرده تسلیم اولدی و پاشا بر قاچ كون صكره جزایر خزایننك بر قسمنی اخذ ایله چكیلوب (ناپولی)یه و اورادن (لیغورنی)یه كیدرك بر مدت دخی پارسده اقامت ایلدكدن صكره (١٨٣٨) تاریخنده اسكندریه+ده فارغ دار غرور اولدی. .