آپولون — شمس پرست اولان اسكی یونانیلرك آله الآلهة
و حاكم ضیاء و صنایع اعتقاد ایتدكلری شخص موهومك اسمیدر بونك
یونانستانده دلفی شهرنده بر عبادتخانه+سی و ردوس لیمانی اغزنده و درسعادتده
چنبرلی طاش اوزرنده برر جسم هیكلی وار ایدی. اپولونك زیرحمایه+سنده یاخود خدمتنده (موسه) نامنده طقوز عدد (پری قزی) اولدیغی
و بو پریلرك مقری موره شبه جزیره+سنده واقع (ماناپان) طاغلرینك اك یوكسك
محلی ایدوكی خرافات یونانیه+دندر. (شارس) و (چنبرلی طاش)
كلمه+لرینه دخی مراجعت بیوریله