لغات تاریخیه و جغرافیه

Lugat-ı Tarihiyye ve Coğrafiyye

حسین پاشا

Hüseyin Paşa

حسین پاشا — سلطان سلیم ثالث حضرتلرینك كرجی ویا چركس كوله+لرندن اولدیغی حالده بر مقتضای طالع احراز مناصب ایدرك (١٧٩١ م و ١٢٠٦ ه) تاریخنده قپودان دریا نصب اولنمش و (١٧٩٧ م و ١٢١٢ ه) تاریخنده پازواند اوغلی نام عاصینك تأدیبنه مأمور اولوب مؤخراً دخی دوننمای همایون قوماندانی اولارق انكلیز دوننماسیله برابر مصرك فرانسه+لو یدندن استخلاصنه كیتمش و كوچك حسین پاشا دیو شهرت بولمشدر. عساكر بحریۀ عثمانیه+نك اوروپا دولتلری عساكر بحریه+سی مثللو نظامه ربطی بونك قپودانلغی زماننده وقوعبولمشدر و وفاتی (١٨٠٣ م و ١٢١٨ ه) تاریخنده+در.