حسن بن علی الصباح — یمن بك زاده+لرندن بر ملحددر. ملوك
سلاچقه+دن ملكشاهك وزیراعظمی (نظام الملك)ه انتسابی سایه+سنده بعض مأموریتله ایران و عربستان حوالیسنی طولاشور ایكن معتقد اولدیغی مذهب باطنیه+یی نشر و اشاعه ایدرك باشنه بر طاقم جهلا طوپلامش و (رودبار)ده (داعیء كبیر) نامیله اعلان استقلال ایدوب (الموت) قلعه+سنی مقر حكومت اتحاذ ایلمشدر. امحای وجود خباثت آلودی یولنده یوز بیكلرجه آدمك تلفنه بادی نیجه خونریز محاربه+لر آچلدیغی حالده مرقوم و اخلافی ینه یوزیتمش بر سنه حكومت سورمشدر. بونلرك هر یرده ماصونلر كبی منتسبلری و ایچلرنده رئیسلری بولنوب حقلرنده مضر بر كمسه ظهور ایتدیكی كبی آنك وجودینی خفی و جلی بر صورتله قالدیررلر و اولمك و طوتلمق امثالی شیلردن اصلا چكنمزلر ایدی.
بو مذهب یكی بر شی اولمیوب قرامطیلرك مقدما نشر ایتدكلری مذهب ایله شیعه مذهینك اختلاطندن حصوله كلمش بر مذهب باطلدر و درزیلردن بر كروه حالا بو اعتقاده خادم كچنمكده+در مذهب باطنیه+نك التی آدی دها وار (اعتقاد) كلمه+سنه نظر بیوریله .